Sí keldu fyri Desimaltal

{{Tøl}}
Eitt '''desimaltal''' er eitt tal við [[komma]] í. Vit nevna tey eisini '''kommatal'''. Ein máti at skriva [[Tal|tøl]], sum ikki eru heil, er at skriva tey sum desimaltøl. Kommað skilir tann heila partin av talinum frá tí partinum av talinum, sum er minni enn eitt. Vinstrumegin kommað stendur tann heili parturin av talinum. Høgrumegin kommað standa fyrst 10-partar (tíggjundapartar), so 100-partar (hundraðpartar), 1000-partar (túsundapartar), o.s.fr. Tølini aftanfyri kommað nevna vit desimalar, og tí eitur eitt tal við komma í eitt desimaltal. Desimaltøl verða býtt sundur í endalig desimaltøl og óendalig desimaltøl. Í einum endaligum desimaltali vita vit, hvussu nógvir desimalar eru í talinum, t.d. <math>0,63</math>. Endalig desimaltøl ber til at gera til [[brot]], har nevnarin er ein potensur av [[10]]: <math>0,63 =</math> {{math|{{sfrac|63|100}}}}. Eru óendaliga nógvir desimalar í einum desimaltali, nevna vit tað eitt óendaligt desimaltal. Nøkur dømir: [[π]] (3,141592…), <math>\sqrt2</math> (1,414213…), {{math|{{sfrac|1|3}}}} (0,333333…). 

[[Bólkur:Tøl]]
[[Bólkur:Støddfrøði]]